Il-kumitat għas-sena 2009/2010

Il-Ġimgħa 25 ta’ Settembru 2009 saret il-Laqgħa Ġenerali fiċ-Ċentru Familja Karmelitana. Matul din il-laqgħa sar il-qari tal-Minuti ta’ l-aħħar Laqgħa Ġenerali, il-qari tar-Rapport Amministrativ u l-preżentazjoni tar-Rapport Finanzjaru. F’din il-laqgħa saret emenda għall-istatut li ġiet approvata minn dawk preżenti. Matul din il-laqgħa ġew preżentati l-erbatax il-kandidat li tefgħu n-nomina biex ikunu membri fil-kumitat tas-sena 2009-10.
 
It-Tnejn ta’ wara saret l-ewwel laqgħa tal-kumitat li fiha nħatru l-uffiċjali. Dawn irriżultaw hekk:

President: John Mercieca Hounsell  

Kappillan u Direttur Spiritwali: Fr Joe Saliba O. Carm

  Il-Maħżen ta' l-Armar  

F’waћda mill-ewwel laqgћat wara li twaqqaf il-kumitat ġie deċiz li jinstab post fejn jinћadem u jintrefa l-armar tal-festa u jibdew isiru l-laqgћat,.

Gћal dan il-gћan saret proposta lill-komunità biex il-kumitat ikun jista jirranġa u juża ż-żewgt ikmamar ta’ wara s-sagristija, magћrufa aћjar man-nies tal-Fleur-de-lys bћala il-club ta’ l-abbatini. Dan il-post ma kienx baqa’ jintuża wara l-bini taċ-Ċentru Familja Karmelitana. Din il-proposta kienet ġiet milqugћa. Gћalhekk il-kumitat mill-ewwel beda jorganizza ruћu biex jara x’kien hemm bżonn li jsir ћalli jibda juża dan il-post.

Billi l-post kien gћal xi żmien abbandunat, kien hemm bżonn li jsir xogћol kbir ta’ kostruzzjoni. Is-saqaf kien fi stat perikoluż ћafna u kien beda jiżżaqqaq. Gћalhekk fl-20 ta’ Ottubru 2001 beda x-xogћol tat-twaqqigħ. Wara dan kien imiss it-tindif tal-post mid-debri tas-saqaf u l-ћafna materjal ieћor li nġemma matul iż-żmien li dan il-post ma kienx qiegћed jintuża. Tneћћew aktar minn 20 trukk ta’ materjal.

Wara sar l-armar tax-xaters u x-xogħol tal-konkos. Tlett gimgћat wara tneћћa x- xater u beda x-xogћol tal-eletriku, plaming, kisi u tibjid. Sar ukoll xogћol ta’ ћadid, bћal bieben, twieqi u xkaffar.

Uћud mill-membri tal-kumitat flimkien ma xi voluntiera gћaddew diversi sibtijiet u magћhom il-vaganzi tal-Milied jaћdmu f’dan il-post sabiex il-maћżen seta jinfetaħ mill-aktar fis possibli. Il-Kumitat ћaseb biex il-ftuћ tal-post isir fl-okkażjoni tal-festa ta’ Jum il-Parroċċa. Il-Maħżen ġie miftuħ uffiċjalment mill-President tal-Kumitat Tony Sciberras De Giovanni u tberik tal-post sar mill-kappillan Patri Mawriz Mizzi fit-23 ta’ Jannar 2002.

Jumejn wara fil-25 ta’ Jannar, il-festa ta’ Jum il-Parroċċa, f’dan il-post ilqajna lill-Provinjal Fr Amadeo J. Zammit. Huwa, li kien jaf tajjeb il-post setgħa jara t-tibdil li sar.

Għalkemm konna nafu li huwa bżonn, minħabba l-finanzi limitati li dejjem kellu l-kumitat ma stajniex nagħmlu x-xoghol tal-kontrabejt tas-saqaf dak is-sajf stess. Għalhekk qabel l-bdiet ix-xitwa tas-sena 2004, grupp ta’ volontieri flimkien ma membri tal-kumitat  ħadmu bla heda biex biex fi tliet sibtijiet għamilna dan ix-xoghol li sewa lill-kumitat l-ispejjeż tal-materjal biss.

Illum fil-maħżen isir ħafna xogħol bħal ħjata ta’ bandalori u pavaljuni, żebgħa tal-armar, ħazna ta’ parti mill-armar u l-laqgħat. Tintrama wkoll il-wirja tal-Gimgħa l-Kbira. Wara dawn il-ftit snin qiegħed jinħass ukoll li l-post huwa zgħir għalina.

  Tony Sciberras de Giovanni  

l-Ewwel President tal-Kumitat (2000 - 2007) 

Lil Tony Sciberras de Giovanni ftit li xejn kont nafu qabel ma sirt membru tal-Kumitat. Kif jgħidu dawk kollha li kienu miegħu meta twaqqaf l-ewwel kumitat proviżorju, Tony kien il-bniedem idejali fil-ħin opportun għal-kumitat. Il-problemi biex twaqqaf l-ewwel kumitat ma naqsux u kieku ma kinitx għall-esperjenza li hu kellu f’diversi organizzazjonijiet u boards li ħadem fihom, kieku x-xogħol tal-kumitat ma kienx jibda u jibqa’ miexi dejjem il-quddiem.

Huwa trabba fil-Fleur-de-Lys u baqa’ jgħix f’dan ir-raħal. Lil Madonna tal-Karmnu, speċjalment dik meqjuma fil-parroċċa tagħna kien iħobbha ħafna. Dan kien joħroġ ċar meta waqt xi laqgħa tal-kumitat jew waqt xi attivita’ d-diskors kien jaqa’ fuq hekk. Kien bniedem li jaf jirrakonta ħafna. Erħilu jirrakkonta fuq meta kien abbati u kemm kien igħin quddies ma’ l-ħafna pirjoli u patrijiet tal-passat li ħadmu fil-knisja tagħna.

Tony kien il-bniedem li jgħamlilna kuraġ f’dak kollu li konna nagħmlu. Ma ninsa qatt meta kien jiġi għal ftuħ tal-Wirja tal-Ġimgħa l-Kbira, u wara li jdur dawra biex jara dak kollu li kien ikun armat fil-maħżen sa l-anqas dettal, kien idur dawra lejna u jgħidilna “First Class, First Class, hawn għandna biex nikkompetu!, ma stennejtx li ser ikollna dan kollu”

Huwa kellu karattru ċajtier u dejjem ferħan. Kulħadd kien jieħu pjaċir jitkellem miegħu kemm il-membri żgħażagħ kif ukoll dawk inqas żgħażagħ. Kien bniedem tal-punt. Ma jerġax lura minn kelmtu. Ma nistax ninsa qatt dawk il-ġranet li konna nitilgħu Għawdex miegħu jew biex naraw l-anġli waqt li kienu qegħdin jinħadmu jew xi xogħol ieħor.

Tony kien bniedem ġeneruż u benefattur kbir għall-kumitat. Fl-ewwel sena li twaqqaf il-kumitat Tony kien ħallas għall-istatwa tal-Madonna tal-purċissjoni tat-tfal li ssir it-Tlieta tal-festa. Xi ftit wara kien ġie jgħidilna li hu xtaq li jħallas għal statwa oħra. Huwa staqsa lilna xi statwa għandna nagħmlu. Min jissuġerixxi ħaġa u min oħra, fl-aħħar il-kumitat iddeċida li nagħmlu lil Dun Ġorġ bħala Terzjarju Karmelitan, billi dan il-qaddis kien jiġi jitlob fil-knisja tagħna.

L-aħbar tal-mewt tiegħu fid-29 ta’ Settembru 2007 ħasditna. Tony kellu xewqa kbira li ma wettaqniex fil-parroċċa tagħna, dik li nibdew norganizzaw l-purċissjoni ta’ Kristu Irxoxt għat-tfal nhar Ħadd il-Għid. Imma din il-festa ma kenitx tiddependi mill-kumitat biss biex issir u għalhekk qatt ma għamilniha. Illum jiena nemmen li Tony xewqtu qatagħha mod ieħor u hu qiegħed ħdejn Kristu Irxoxt biex igawdih u fl-istess ħin jistenna lilna biex jekk inkunu bil-għaqal bħalu aħna wkoll immorru ngawdu lil Kristu Irxoxt fis-sema.