Innu Marċ

Mużika: Mro. Carmelo Zammit.
Kliem: Charles Mifsud.
Arranġament mużikali: Mro. Lawrence Borg.
Kompożizzjoni: 1979

Illum il-festa tagħna
Qegħdin niċċelebraw
Ejjew ifirħu magħna
Ejjew biex nonoraw
Inqimu lill-Padruna
Ta’ l-art u tas-smewwiet
Fost l-għajjat u l-briju
It-tisfir tal-gassijiet
Mal-ħoss tal-murtali
Inġeddulek il-wegħdiet.

Rit: Viva Marija
O Madonna nqimuk
Viva Marija
O Madonna inħobbuk
Żommna fi ħsiebek
Għax aħna wliedek
Din hi l-wegħda tagħna
Madonna nħobbuk.  

Ġejna nsellmulek  
B’mod speċjali f’dan il-jum
Jum li għal ismek
U għal Ibnek hu meqjum
Ejj’għammar magħna
Fil-fond tal-qalb tagħna
Din hi l-wegħda tagħna
Madonna nħobbuk.  

Illum it-toroq tagħna
Jinsabu mdawlin
Lesti biex jilqgħu fihom
Lill-Omm tagħna l-bnedmin
Meqjuma bl-akbar għożża
Mogħtija l-akbar ġieħ
Ma’ talbna minn qalbna
U l-kant ta’ l-innijiet
Lilek O Marija
Inġeddulek il-wegħdiet.

Rit:  Viva Marija